रेडियो बिहानी सञ्चालक सहकारीको १७औँ वार्षिक साधारणसभा सम्पन्न

सामुदायिक रेडियो रेडियो बिहानी ९७.६ मेगाहर्ज सञ्चालन गर्दै आएको श्री सहिद स्मृति सञ्चार सहकारी संस्था लि.नीलकण्ठ–३ धादिङको १७ औँ वार्षिक साधारणसभा सोमबार भव्य रूपमा सम्पन्न भएको छ ।

सञ्चालक समिति अध्यक्ष मनराज भण्डारीको अध्यक्षता तथा संविधानसभा सदस्य पुष्प विक्रम मल्लको प्रमुख आतिथ्यतामा सम्पन्न भएको हो । कार्यक्रममा संस्थापक उत्तमराज कँडेल,नेपाली कम्युनिष्ट पार्टीका नेता रामबहादुर भण्डारी,विभिन्न सहकारी तथा संघ–संस्थाका प्रमुख तथा प्रतिनिधिहरूको उल्लेखनीय उपस्थिति रहेको थियो ।

उक्त सभामा अध्यक्ष,महासचिव र कोषाध्यक्षले संस्थाको वार्षिक प्रगति प्रतिवेदन प्रस्तुत गरेका थिए भने लेखा समितिले आर्थिक अवस्थाबारे प्रतिवेदन पेश गरेको थियो । साथै आगामी आर्थिक वर्षका लागि प्रस्तावित वार्षिक कार्यक्रम,नीति तथा योजना माथि छलफल गरी विभिन्न एजेन्डाहरू सर्वसम्मत रूपमा पारित गरिएको छ ।

कार्यक्रममा बोल्ने अतिथिहरूले रेडियो बिहानी गैरनाफामूलक सामुदायिक रेडियो भएकाले स्थानीय तह,संघ–संस्था,सहकारी तथा सरोकारवाला निकायहरूसँग सहकार्य गर्दै सामुदायिक सञ्चारको भूमिका अझ प्रभावकारी बनाउँदै लैजानुपर्नेमा जोड दिएका थिए । सूचना,शिक्षा,चेतना र समावेशी विकासका लागि सामुदायिक रेडियोको योगदान महत्वपूर्ण रहेको सहभागीको भनाइ रहेको थियो ।

सहकारी संस्था लिमिटेडको मुख्य उद्देश्य सामुदायिक रेडियोमार्फत आम नागरिकलाई सत्य,निष्पक्ष र समयसापेक्ष सूचना तथा समाचार प्रदान गर्नु रहेको छ । साथै स्थानीय भाषा,कला,संस्कृति,परम्परा र पहिचानको संरक्षण र प्रवद्र्धन गर्नु,सामाजिक सचेतना अभिवृद्धि गर्नु,सुशासन,विकास र लोकतान्त्रिक मूल्य–मान्यताका पक्षमा जनचेतना फैलाउनु सहकारीद्धारा संचालित रेडियो बिहानीको प्रमुख उद्देश्य रहेको छ ।