धादिङको ससाहमा बस र माइक्रो ठोक्किँदा आठजना घाइते

धादिङको नीलकण्ठ नगरपालिका– ८ ससाहमा बस र माइक्रो ठोक्किँदा आठजना घाइते भएका छन् ।

धादिङबाट काठमाडौं जाँदै गरेको ना.७ ख ३१९८ नम्बरको बस र बागमती प्रदेश ००१ज०५२९ इभी भ्यान एक–आपसमा ठक्कर खाँदा माइक्रोमा सवार आठजना घाइते भएको जिल्ला प्रहरी कार्यालय धादिङका प्रहरी नायब उपरीक्षक मकेन्द्रकुमार मिश्रले बताए ।

दुर्घटनामा परी घाइते भएकाहरूको धादिङ अस्पतालमा उपचार भइरहेको छ। दुईजनालाई थप उपचारका लागि काठमाडौं लैजाने तयारी भइरहेको धादिङ अस्पतालका सूचना अधिकारी डाक्टर राम रिजाल जानकारी दिनुभएको हो।